Tu laitak Tuimang khua ah khuasat mikhat bek, innkuan khatbek khuasat ahihloh vai thang mahmah hi. Pu Dong Khup suan leh khak ten Pa Khen Lian Pau inn ah 3 October 2021 in Tuimang khua asat khawm inn 8 teng suan leh khak aom thei teng Meeting sam hi.
Meeting kah mi 50 kim pha uhhi. Tuimang khua tangthu Laibu bawl ding cihvai Agenda ahihi. Meeting kahte sungah Pa Thang Cin Khual in tua ahihleh Khuasat pupi teng kuateng ahia hong sim khia dihve acihleh Pu Dong Khup lamten Khuasat Pu Tei Thang paasak lo in, Pu Sawm Neng ( Pu Neng Za Cin pu, Pa Cin Za Kam te sung) paasak uhhi.
Meeting kah khempeuh in Pu Sawm Neng pen khuasat ah apaa lam zong za ngeilo, Tuimang khua mintawh Laibu aki bawl Tuiphum Pawlpi 75 Diamond Jubilee laibu sungah zong pa ngeilo, Pu Dong Khup Tangthu laibu sungah zong paa ngeilo, Tuimang Mualsuang Laibu sungah zong paa ngeilo ci tek uhhi. Laibu aki bawl khempeuh ah Khuasat ah a paa den Pu Tlei Thang amau thu in deihlo in, amau deih ahih Pu Sawm Neng a guang uhpen mipi in lamdang kisa mahmah hi.
4 October 2021 in Pa Cin Za Mang inn ah Pu Dong Khup suan leh khak lo teng Meeting kik uhhi. Khuasatna ah Pu Sawm Neng a paasak uh thu kimlo in, Khua tangthu bawl dingzong thukimlo uhhi. Tua thu Pa Khen Lian Pau inn ah hih anuai atengin lung kimlohna a gen uhhi.
1. Pu Go Za Dal
2. Sia Cin Za Mang
3. Pu Cin Cin Thang
4. Pu Piang Khan Khai
5. Pu Thang Cin Khual
6. Pu Cin Khan Tung
Pa Khen Lian Pau kiangah agen uhleh a pau na ding a thei kei hi.
October 3, 2021 in mai nipi October 10,2021 ciangin Meeting kikni, Laibu bawl ding na ut uhleh a bawngbawng panin, Laibu Committee ding mi 3 zong hong ki seh un acihpen, 10 October 2021 ni in, Laibu bawl ding thukimlo in, Meeting kah kuamah aom kei hi.
...a hunzui in behlapto zel ni.
